PM Kisan 22nd Installment: तुम्हाला पीएम किसान सन्मान निधीचा २१ वा हप्ता मिळाला का? जर उत्तर ‘नाही’ असेल, तर हे तुमच्यासाठी खूप महत्त्वाचं आहे. सरकार पैसे वाटतंय, पण ते तुमच्या खात्यात का येत नाहीत? याचं कारण आता समोर आलंय. लोकसभेत दिलेल्या माहितीनुसार, तब्बल ३० लाख १८ हजार ३६१ शेतकऱ्यांची नावे या यादीतून कमी करण्यात आली आहेत.
नेमकं काय झालंय? तुमचं नाव या ३० लाखांत तर नाही ना? आणि सर्वात महत्त्वाचं म्हणजे, घरात नवरा-बायको दोघेही शेतकरी असतील तर पैसे कोणाला मिळणार? या सगळ्या प्रश्नांची उत्तरं अगदी सोप्या शब्दांत खाली दिली आहेत.
३० लाख शेतकरी का बाद झाले?
सरकारने नियम कडक केले आहेत. ज्यांनी खालील गोष्टी केल्या नाहीत, त्यांचे पैसे थांबले आहेत:
- बँक आणि आधारचं बिनसलंय (Aadhaar Seeding): तुमचं बँक खातं, मोबाईल नंबर आणि आधार कार्ड एकमेकांना लिंक नसेल, तर पैसे जमा होत नाहीत.
- केवायसीचा घोळ (e-KYC): तुम्ही हयात आहात की नाही, हे सरकारला कसं कळणार? त्यासाठी ई-केवायसी अपडेट करणे गरजेचे होते, जे अनेकांनी केलेले नाही.
- जमिनीचा कागद (Physical Verification): सातबारा आणि ८-अ नुसार तुमची जमीन खरोखर आहे का, याची पडताळणी झाली नसेल तर नाव कापलं जातंय.
- बोगस गिरी: ज्यांच्या नावावर शेतीच नाही, पण तरीही हप्ते लाटत होते, अशांना आता या योजनेतून कायमचं बाहेर काढलं आहे.
‘एक कुटुंब, एक लाभार्थी’ – हा नियम समजून घ्या!
शेतकरी संख्या कमी होण्याचं सर्वात मोठं आणि अनेकांना माहित नसलेलं कारण म्हणजे ‘कुटुंबाचा नियम’. हा नियम थोडा बारकाईने वाचा:
१. एका रेशन कार्डवर एकच माणूस: तुमच्या रेशन कार्डवर पती, पत्नी आणि मुले असतील आणि सगळ्यांच्या नावावर थोडी-थोडी जमीन असेल, तरीही पीएम किसानचे पैसे घरातल्या एकाच माणसाला मिळतील.
२. पैसे नवऱ्याला की बायकोला?: इथेच खरी गंमत आहे. जर नवरा आणि बायको दोघांच्याही नावावर जमीन असेल, तर सरकार ‘महिलेला’ (पत्नीला) पैसे देतं. अशा वेळी नवऱ्याचं नाव यादीतून कमी केलं जातं.
३. नवऱ्याचा नंबर कधी?: जर पत्नीच्या नावावर जमीन नसेल आणि फक्त पती किंवा मुलांच्या नावावर असेल, तरच पुरुषाला या योजनेचा लाभ मिळतो.
मार्चमधला २२ वा हप्ता मिळवण्यासाठी काय करावं?
येत्या मार्च महिन्यात २२ वा हप्ता जमा होणार आहे. तो तुम्हाला मिळावा म्हणून आजच या गोष्टी तपासा:
- तुमची e-KYC पूर्ण झाली आहे का ते बघा.
- बँक खाते आधारला लिंक असल्याची खात्री करा.
- गावातील कृषी सहायकाला भेटून ‘फिजिकल व्हेरिफिकेशन’ चा फॉर्म भरून द्या (सोबत ७/१२ आणि ८-अ जोडा).
- घरात एकापेक्षा जास्त लोक पैसे घेत असतील, तर ते बंद होऊन एकालाच मिळतील, हे लक्षात ठेवा.
वाचकहो, तुमच्या गावात किंवा ओळखीत असे कोणी आहे का ज्यांचे पैसे अचानक बंद झाले? कमेंट करून नक्की सांगा!
कर्जमाफीची तारीख आणि नियम ठरले? तुमचं नाव यादीत बसतंय का? वाचा ‘इनसाईड’ स्टोरी!
