आज १५ मे २०२६ रोजी पंतप्रधान नरेंद्र मोदी यांच्या अध्यक्षतेखाली केंद्रीय मंत्रिमंडळाची महत्त्वाची बैठक पार पडली. माहिती आणि प्रसारण मंत्री अश्विनी वैष्णव यांनी बैठकीत घेतलेल्या ३ मोठ्या निर्णयांची अधिकृत माहिती दिली. यात खरीप पीक हमीभाव 2026-27 मधील मोठी वाढ, कोळसा गॅसिफिकेशन प्रकल्प आणि नवीन नमो भारत ट्रेन मार्गाचा समावेश आहे.
खरीप पीक हमीभाव 2026-27 (Kharif Crop MSP): शेतकऱ्यांच्या खात्यात येणार २.६० लाख कोटी
केंद्र सरकारने आगामी २०२६-२७ च्या हंगामासाठी १४ खरीप पिकांच्या किमान आधारभूत किमतीत (MSP) वाढ केली आहे.
- खरेदीचे टार्गेट: केंद्र सरकार २०२६-२७ च्या खरीप हंगामात देशभरातून ८२४ लाख मेट्रिक टन खरीप पीक खरेदी करणार आहे.
- शेतकऱ्यांना थेट रक्कम: खरीप पीक खरेदीसाठी केंद्र सरकार देशातील शेतकऱ्यांना थेट २ लाख ६० हजार कोटी रुपये देणार आहे.
प्रमुख खरीप पिकांचे सुधारित हमीभाव दर (प्रति क्विंटल भाव)
यंदा सूर्यफूल पिकाच्या हमीभावात सर्वाधिक ६२२ रुपये वाढ झाली आहे. मंत्री अश्विनी वैष्णव यांनी जाहीर केलेले खरीप पिकांचे नवीन दर खालीलप्रमाणे आहेत:
- सूर्यफूल (Sunflower): ८,३४३ रुपये प्रति क्विंटल
- तूर (Tur Dal): ८,४५० रुपये प्रति क्विंटल
- ज्वारी (हायब्रिड): ४,०२३ रुपये प्रति क्विंटल
- बाजरी (Bajra): २,९०० रुपये प्रति क्विंटल
- धान/भात (ग्रेड-ए): २,४६१ रुपये प्रति क्विंटल
- कापूस (Cotton): हमीभावात ५५७ रुपये वाढ
- तीळ (Sesame): हमीभावात ५०० रुपये वाढ
कोळसा आणि लिग्नाइट गॅसिफिकेशन (Coal Gasification): ३७,५०० कोटींच्या प्रकल्पाला मंजुरी
भारताला ऊर्जा क्षेत्रात स्वयंपूर्ण करण्यासाठी केंद्र सरकारने ‘सर्फेस कोल आणि लिग्नाइट गॅसिफिकेशन’ योजनेला अंतिम मंजुरी दिली आहे.
- प्रकल्पाचे बजेट आणि टार्गेट: केंद्र सरकारने कोळसा गॅसिफिकेशन योजनेसाठी ३७,५०० कोटी रुपयांची तरतूद केली आहे. केंद्र सरकार यातून ७५ दशलक्ष टन कोळशाचे गॅसिफिकेशन करणार आहे.
- गुंतवणूक आणि अनुदान: कोळसा गॅसिफिकेशन प्रकल्पामुळे भारतात ३ लाख कोटी रुपयांची गुंतवणूक अपेक्षित आहे. कोळसा गॅसिफिकेशन प्रकल्प उभारणाऱ्या कंपन्यांना केंद्र सरकार यंत्रसामग्री खर्चावर २० टक्के आर्थिक मदत (Incentive) देणार आहे.
नमो भारत ट्रेन (Namo Bharat Train): १३४ किमीच्या नवीन रेल्वे कॉरिडॉरला मंजुरी
प्रवाशांचा वेग वाढवण्यासाठी पंतप्रधान नरेंद्र मोदी यांच्या मंत्रिमंडळाने १३४ किलोमीटर लांबीच्या नवीन ‘नमो भारत’ सेमी-हाय-स्पीड रेल्वे कॉरिडॉरला मंजुरी दिली आहे.
- स्वदेशी रेल्वे तंत्रज्ञान: ‘नमो भारत’ ट्रेन पूर्णपणे भारतीय तंत्रज्ञानावर चालणार असून, नवीन नमो भारत ट्रेन ब्रॉडगेज ट्रॅकवर धावेल.
- प्रकल्पाचा खर्च आणि शहरे: केंद्र सरकार नमो भारत ट्रेन प्रकल्पावर २०,६६७ कोटी रुपये खर्च करणार आहे. नमो भारत ट्रेनमुळे धोलेरा (SIR), अहमदाबाद (साबरमती), धोलेरा आंतरराष्ट्रीय विमानतळ आणि लोथल ही महत्त्वाची शहरे थेट जोडली जातील.
marathi bigg boss
सचिन पोपळघट गेल्या ८ वर्षांपासून कृषी अभ्यासक म्हणून कार्यरत असून, 'शेतकरी हाच खरा 'marathi bigg boss' या ध्येयाने मी काम करत आहे. तंत्रज्ञान आणि शेतीची सांगड घालून, सरकारी योजना व पीक विम्याची अचूक माहिती सोप्या भाषेत शेतकऱ्यांपर्यंत पोहोचवणे हाच माझा उद्देश आहे. ८ वर्षांचा प्रदीर्घ अनुभव आणि जमिनीवरची माहिती यामुळे हजारो शेतकऱ्यांचा विश्वास सार्थ ठरवत आहे
